Այն ամենը, ինչ պետք է իմանալ նոր ապրելակերպի մասին Goght Urban Valley–ի հետ․ հարց ու պատասխան

Կոտայքի մարզում՝ Երևանից 30 կմ հեռավորության վրա, կառուցվում է Goght Urban Valley ժամանակակից քոթեջային թաղամասը։  Գործարար, Goght Urban Valley նախագծի ներդրող Մովսես Ձավարյանը «Նովոստի–Արմենիա» գործակալությանը տված բացառիկ հարցազրույցում պատմել է քաղաքային մշակույթի և էկո–միջավայրի համադրությամբ այս նախագծի առանձնահատկությունների մասին, որտեղ անցյալը ներդաշնակորեն վերածվել է ապագայի, որտեղ կապահովվի մարդկանց հարմարավետ կյանքն ու հոգեկան հանգստությունը։

Ինչո՞վ է պայմանավորված Goght Urban Valley–ի տների բարձր գինը 

Գինը ձևավորվել է որոշակի գործոնների համակցության արդյունքում։ Դրա վրա ազդել են, մասնավորապես․

– Հայաստանում շինարարության բարձր ինքնարժեքը

– բոլոր շինությունների կառուցումը՝ հաշվի առնելով Հայաստանի պես սեյսմիկ տարածաշրջանում գոյություն ունեցող շինարարական բոլոր խիստ նորմերը։ Շինության սեյսմակայունության մակարդակի բարձրացումն առնվազն 40-60%-ով ավելացնում է կառույցների ինքնարժեքը;

– հողի, հաղորդակցությունների (էլեկտրաէներգիա, ճանապարհներ, ջուր և այլն) արժեքը 

Միաժամանակ, Երևանում նույն կարգի բնակարանների 1քմ–ի գինը հասնում է 3000-4000 դոլարի, իսկ Գողթում այն կազմում է ընդամենը 1200-1400 դոլար 1քմ-ի համար։ Մենք պարզապես դեռ սովոր չենք, որ քաղաքից դուրս գտնվող տունը կարող է նույնքան արժենալ, ինչ քաղաքայինը: 

Երևանի կենտրոնից որքա՞ն հեռու է գտնվում քոթեջային թաղամասը

Երևանում տնից մինչև աշխատավայր 40 րոպեում հասնելը դարձել է նորմ։ Մոտավոր նույնքան ժամանակ կպահանջվի մեր քոթեջային թաղամասից Երևանի կենտրոն հասնելու համար։ Բայց, ի տարբերություն երևանցիների, Goght Urban Valley–ի տանտերերը ստանում են բացառիկ հնարավորություններ, այն է՝

– էկոլոգիապես բարենպաստ տարածաշրջան՝ առանց գազի և փոշու աղտոտման։ Մայրաքաղաքի համեմատ՝ Գողթում բնապահպանական իրավիճակը գերազանց ցուցանիշներ ունի, 

– հանգիստ և համաչափ ապրելակերպ, առանց քաղաքային աղմուկի, խցանումների և մեգապոլիսին հատուկ այլ բացասական բաղադրիչների, 

– հնարավորություն ապրելու այնպիսի տարածքում, որտեղ տարեկան 320 օր արևոտ է, ինչի մասին վկայում է բազմամյա վիճակագրությունը, 

– հնարավորություն՝ խուսափելու ամառային սաստիկ տապից, որը տարեցտարի ավելի անտանելի է դառնում, քանի որ վերջին տասնամյակում Երևանում ամառային միջին ջերմաստիճանը բարձրացել է 7 աստիճանով, 

– բնության հետ միավորվելու, մաքուր օդում սպորտով զբաղվելու և մարզվելու հնարավորություն և շատ այլ օգտակար զբաղմունքներ

Բացի այդ, ՀՀ կառավարությունը հաստատել է Ջրվեժ–Գեղարդ ճանապարհի կապիտալ վերանորոգումը, ինչի շնորհիվ ճանապարհը դեպի Goght Urban Valley կկրճատվի 10 րոպեով և կդառնա ավելի հարմարավետ։ 

Ինչո՞ւ է պետք տուն գնել Goght Urban Valley–ում, ոչ թե գյուղում

Գողթում տուն գնելն ունի մի շարք բացառիկ առավելություններ, այդ թվում՝ 

– բնական գեղեցկություն և առանձնացում: Այստեղ տուն գնելը հնարավորություն է տալիս ապրել գեղատեսիլ լեռներով, մարգագետիններով և անտառներով շրջապատված՝ ապահովելով առանձնացում և հանգստություն, 

–  էկոլոգիապես մաքուր տարածք: Տարածքը, որտեղ տեղակայված է քոթեջային թաղամասը, հայտնի է իր մաքուր օդով և ջրով, ինչը բնակիչների համար ստեղծում է առողջ ապրելու միջավայր,

– զարգացած ենթակառուցվածք և ծառայություններ։ Goght Urban Valley–ում նախատեսված են տարբեր ժամանցային, սպորտային և մշակութային միջոցառումներ և ենթակառուցվածք, որն ապահովում է հարմարավետություն ապրելու համար: Մասնավորապես, հիվանդանոցներ, խանութներ, ռեստորաններ, մարզահամալիր և այլ ծառայություններ,

– ներդրումային ներուժ։ Հայաստանի այս շրջանի ավելացող ճանաչվածության և գրավչության շնորհիվ՝ անշարժ գույքի գնումն այստեղ կարող է դառնալ շահավետ ներդրումային որոշում, 

– մշակութային ժառանգություն։ Գողթը ոչ միայն գեղեցիկ վայր է, այն ունի նաև հարուստ մշակութային ժառանգություն։ Պատմական անցյալում այստեղ եղել է հայ արքաների ամառային նստավայրը։ 

Տուն գնելով Goght Urban Valley –ում՝ դուք հնարավորություն եք ստանում վայելել բնությունը, մշակութային մթնոլորտը, օգտվել զարգացած ենթակառուցվածքից, ներդրումային ներուժի հնարավորություններից: Եթե փնտրում եք հարմարավետության և կյանքի որակի իրական համադրություն, ապա այս վայրը հենց ձեզ համար է: 

Երեխաներ ունեցող ընտանիքները կարո՞ղ են Goght Urban Valley–ում ապրել կլոր տարի հարմարավետ պայմաններում՝ անհրաժեշտ հարմարություններով 

Իհարկե, մենք առաջարկում ենք բարենպաստ պայմաններ ինչպես մեծահասակների, այնպես էլ երեխաների համար։ Նաև ապահովում ենք աճող սերնդի բազմակողմանի զարգացումն ու հարմարավետ մանկությունը։ Նախատեսում ենք կառուցել տարբեր հաստատություններ և տրամադրել ծառայություններ, ինչպիսիք են․

– հանրակրթական հաստատությունները, առաջին հերթին՝ նախադպրոցական։ Նախագծի զարգացման որոշակի փուլում կլուծվի նաև բարձրորակ միջնակարգ կրթության հարցը։ Սակայն արդեն հիմա երեխաները կարող են այցելել Գողթի կամ այլ մոտակա բնակավայրերի դպրոցներ, որտեղ կրթության որակը չի զիջում բազմաթիվ երևանյան դպրոցների 

– մանկական մարզահրապարակները 

–  այգիներն ու կանաչ գոտիները։ Պուրակներ, հանգստի գոտիներ և խաղահրապարակներ, որտեղ մեծահասակներն ու երեխաները կարող են ակտիվ ժամանակ անցկացնել մաքուր օդում և վայելել բնությունը 

– բուժկետը 

–  սպորտային և ֆիթնես կենտրոնները՝ սպորտով, ֆիթնեսով և ակտիվ հանգստի այլ տեսակներով զբաղվելու համար 

– բիզնես ենթակառուցվածքը․ ժամանակակից coworking–ի և աշխատանքային տարածքի առկայություն՝ ընկերությունների, ձեռներեցների և ֆրիլանսերների աշխատանքի համար 

Բնակության, աշխատանքի, ուսման և կյանքի մյուս կարևոր բաղադրիչների համար անհրաժեշտ բոլոր պայմանների ապահովման շնորհիվ Goght Urban Valley–ն դառնում է կատարյալ վայր ողջ տարի բնակվելու համար։ 

Ինչու՞ կան սահմանափակումներ տների բնակելի տարածքի մեծ չափերի և ցանկապատի կառուցման հարցում

Մեր ուսումնասիրությունները ցույց են տալիս, որ մեծ տները մնում են անցյալում։ Ժամանակակից աշխարհում քչերն են կառուցում 200քմ–ից ավել տարածքով գույք քաղաքից դուրս, ավելի հարգի են կոմպակտ տները։ Մենք հետևողականորեն փոխառում ենք արևմտյան փորձը և խորհուրդ ենք տալիս մեր գնորդներին տուրք չտալ հսկա շինություններին, որոնք կապված են մեծ ծախսերի հետ։ Պետք է հաշվի առնել նաև այն, որ տան հետ կապված ծախսերը տարեցտարի աճում են, գույքահարկը ևս կդառնա ցանկացած ընտանիքի բյուջեի զգալի կետ: 

Ինչ վերաբերում է բարձր բետոնե ցանկապատերին, ապա դրանց բացակայությունը կպահպանի համայնքային ոգին, կապահովի անվտանգություն ու հարգանք հանրային տարածքների նկատմամբ, ինչպես նաև կստեղծի արտաքին տեսքի միասնականություն և կբարձրացնի վստահությունը հարևանների միջև: Միաժամանակ, մենք առավելագույնս ուշադիր հետևում ենք՝ Goght Urban Valley–ի բնակիչների անձնական տարածքը պահպանելու համար։  

Որքա՞ն կկազմի կոմունալ ծառայությունների ամսավճարը 

Մեկ քմ–ի համար նախատեսված արժեքը կազմում է 300 դրամ։ Այդ գնի մեջ ներառված են․

–  բնակելի թաղամասի անվտանգության ժամանակակից համակարգը

– բնակելի գոտու ընդհանուր տարածքների սպասարկումը

– լուսավորությունը

– աղբահանությունը, տարածքի մաքրումը

–  ճանապարհների, ոռոգման, կոյուղու համակարգերի սպասարկումը և այլն։ 

Տարածքը կգազաֆիկացվի՞ 

Ոչ։ Ժամանակակից պայմաններում կախվածությունը գազից բարձր ռիսկի գործոն է ինչպես արժեքով, այնպես էլ մատակարարումների կայունությամբ։ Այդ պատճառով մենք սեփականատերերին առաջարկում ենք ջեռուցման, օդափոխության, օդորակման, լուսավորության էկոլոգիապես մաքուր և ժամանակակից տեխնոլոգիաներ, որոնք միջնաժամկետ հեռանկարում շատ ավելի արդյունավետ են գազից։    

Ինչու՞ եք տունը հանձնում պատվիրատուին առանց վերջնական հարդարման և վերանորոգման։ 

Մենք հարգում ենք մեր յուրաքանչյուր հաճախորդի անհատականությունը, ինչպես նաև տան վերանորոգման նախասիրությունները: Սակայն նրանցից յուրաքանչյուրը կարող է օգտվել մեր սպասարկման ծառայությունից՝ գտնելով տարբեր ծառայություններ մատուցող կազմակերպություններ՝ դիզայներից և վերանորոգման թիմից մինչև կահույքի մատակարարում և կանաչապատում։